Unse Bimmelboahn

 

Vo Zittau a de Barge naus fährt unse Bimmelboahn,

Mer gleebts ne, woas doas kleene Ding su oalls drschleppn koann.

Do stöhnts und ächzt und bläst 'n Doampf aus oalln Fugn raus,

goar oft an Wajge Leute stiehn, die lachn 's Boahnl aus.

 

Refrain:

Oack sachte! Iech kumm schunn! Su schnell giehts ne bergoa!

Du Bim-Bim-Bim-Bim Bimml-Bumml-Boahnl, du,

du kimmst ne aus dr Ruh und bimmelst immerzu,

ob Summer oder Winter, du kimmst immer roa,

du aale, gude Bimml-Bumml-Boahn.

 

Ver Bertsdurf kimmt a steiles Stick, do fährts oack noa an Tritt,

do springt dr Pustbot' meestens druf und fährt a Stickl mit.

Duch eemol ließ 'rsch Boahnl ziehn und rief 'm zu an Troabb:

"Heut foahrch ne mit, heut gih'ch zu Fusse, weil iech ann Eilbrief hoa!"

 

Refrain ...

 

Zun Urloob kumm Leute mit aus oaller Harrn Walt,

Die sahn 'ch a unsn Bargn im, verfrassen do ihr Gald.

Do reesn Junge, Aale mit, mer sitt woas uff dr Foahrt:

Moanch frisches Maajgl ausn Durf, "gemolte" aus dr Stoadt.

 

Refrain ...

 

Is Boahnl macht'ch vern Autobus beileibe goar nischt draus.

wo zerfriedn denkt`s: Foahr iech a'n Noil, do giht de Luft ne aus."

und stiht a Bus an Iebergang, do fräht sichs ganz gewieß

und pfefft 'n oa ganz laut und lang: "Du, woart oack, irscht kumm iech!"

 

Oack sachte! Iech kumm schunn! Su schnell giehts ne bergoa!

Du Bim-Bim-Bim-Bim Bimml-Bumml-Boahnl, du,

du kimmst ne aus dr Ruh und bimmelst immerzu,

ob Summer oder Winter, du kimmst immer roa,

du aale, gude Bimml-Bumml-Boahn.